Sunday, 22 November 2026
जोड्दैछौ अष्ट्रेलियाका नेपाली
Home ∕ News ∕ ३४ सदस्यीय टोलीसहित प्रधानमन्त्री शाह आइतबार भारत जाँदै, मोदीसँग सोमबार वार्ता

३४ सदस्यीय टोलीसहित प्रधानमन्त्री शाह आइतबार भारत जाँदै, मोदीसँग सोमबार वार्ता


प्रधानमन्त्री बालेन्द्र शाह आइतबार ३४ सदस्यीय प्रतिनिधिमण्डलको नेतृत्व गर्दै भारत भ्रमणमा जाने हुनुभएको छ। भ्रमण टोलीमा अर्थमन्त्री डा. स्वर्णिम वाग्ले र परराष्ट्रमन्त्री शिशिर खनाल पनि सहभागी हुनुहुनेछ।

प्रधानमन्त्री शाह आइतबार दिउँसो १:४५ बजे भारत प्रस्थान गरी सोमबार साँझ ६:३५ बजे स्वदेश फर्कने कार्यक्रम छ। भ्रमणमा ५२ सदस्यीय व्यवसायी टोली र पत्रकारहरू पनि आफ्नै खर्चमा सहभागी हुनेछन्।

प्रधानमन्त्री शाहले मंसिर ७ गते भारतीय समकक्षी नरेन्द्र मोदीसँग प्रतिनिधिमण्डलस्तरीय वार्ता गर्नुहुनेछ। वार्तामा व्यापार, पारवहन, लगानी, ऊर्जा, पूर्वाधार र दुई देशबीचको सम्पर्क सञ्जाल विस्तारबारे छलफल हुनेछ।

भ्रमणका क्रममा ऊर्जा तथा सम्पर्क सञ्जालसम्बन्धी परियोजनाहरूको उद्घाटन र नयाँ परियोजनाको शिलान्यास गरिनेछ। साथै शिक्षा, स्वास्थ्य, कृषि, खेलकुद, विपद् व्यवस्थापन र मानव संसाधनसम्बन्धी विभिन्न समझदारीपत्र आदानप्रदान गर्ने कार्यक्रम छ।

प्रधानमन्त्री शाहले भारतीय राष्ट्रपति र विदेशमन्त्रीसँग भेटवार्ता गर्नुका साथै राजघाटस्थित महात्मा गान्धीको समाधिस्थलमा श्रद्धाञ्जली अर्पण गर्नु हुनेछ। उहाँ मोदीले आयोजना गर्ने औपचारिक दिवाभोज र नेपाल–भारत बिजनेस फोरमको छलफलमा समेत सहभागी हुनेछन्।



यस वेवसाईटमा प्रकाशित समाचार, विचार र लेखबारे तपाईको कुनै प्रतिक्रिया, गुनासो, सुझाव र सल्लाह छन् भने कृपया हामीलाई निम्न ईमेलमा पठाउनुहोला । तपाईको सहयोगले हामीलाई निष्पक्ष र तटस्थ पत्रकारिता गर्न टेवा पुग्नेछ । सम्पर्क इमेल : info@nepaltube.com.au

तपाईको प्रतिक्रिया

ट्रेण्डिङ

WordPress database error: [Table 'nepaltubedb.wp_techiepopularsummary' doesn't exist]
SELECT count(post_id) AS total_count,wp_posts.post_title,wp_posts.ID from wp_techiepopularsummary INNER JOIN wp_posts ON wp_posts.id=wp_techiepopularsummary.post_id WHERE view_date>='2026-11-22' GROUP BY post_id ORDER BY total_count DESC LIMIT 6