अष्ट्रेलियामा एकै दिन थपिए ४३ हजार बढी कोरोना संक्रमित, सबै राज्यको अवस्था भने सामान्य

ब्रिजबेन,अष्ट्रेलिया । पछिल्लो २४ घण्टामा मात्रै अष्ट्रेलियामा ४३ हजार बढी कोरोना संक्रमित थपिएका छन् । अष्ट्रेलियाका विभिन्न राज्यमा गरी पछिल्लो २४ घण्टामा ४३ हजार ५५२ जनामा कोरोना संक्रमण पुष्टि भएको हो ।

पछिल्लो २४ घण्टामा न्यु साउथ वेल्समा सबैभन्दा बढी २३ हजार १३१ जनामा कोरोना संक्रमण पुष्टि भएको छ । ८३ हजार ३७६ स्वाब परीक्षणमार्फत यी व्यक्तिमा कोरोना संक्रमण पुष्टि भएको स्वास्थ्य विभागले जानकारि दिएको छ । पछिल्लो २४ घण्टामा न्यु साउथ वेल्समा कोरोनाबाट २ जनाको मृत्यु भएको छ ।

यता, भिक्टोरियामा पछिल्लो २४ घण्टामा १४ हजार २० जनामा कोरोना संक्रमण पुष्टि भएको छ । ६० हजार ५१५ जनाको परीक्षणबाट ती व्यक्तिमा कोरोना संक्रमण पुष्टि भएको हो । भिक्टोरियामा मंगलबार कोरोना संक्रमणबाट २ जनाको मृत्यु भएको छ । भिक्टोरियामा सक्रिय कोरोना संक्रमितको संख्या ४८ हजार २९७ रहेको छ ।

यस्तै क्वीन्सल्याण्डमा ५ हजार ६९९ जनामा कोरोना संक्रमण देखिएको छ । पछिल्लो २४ घण्टामा गरिएको ३३ हजार ३१३ परीक्षणमा यी व्यक्तिमा कोरोना संक्रमण पुष्टि भएको हो । क्वीन्सल्याण्डमा संक्रिय संक्रमितको संख्या २५ हजार ९२४ रहेको स्थानीय स्वास्थ्य विभागले जानकारि दिएको छ । तास्मनियामा समेत सोमबार २ हजार ८८ परिक्षणमा गर्दा ७०२ जनामा कोरोना संक्रमण पुष्टी भएको छ । तास्मनियामा सक्रिय कोरोना संक्रमितको संख्या २ हजार २४४ पुगेको छ ।

कोरोनाविरुद्धको खोपले तिब्रता पाएका राज्यहरुमै कोरोना महामारिले थप विस्तार पाइरहँदा स्वास्थ्य अधिकारिहरु चिन्तित बनेका छन् । संक्रमणदर उच्च बन्न थालेपनि मृत्युदर भने न्युन नै रहेको स्वास्थ्य अधिकारिहरुले बताएका छन् । सरकारले कोरोना महामारिले तिब्रता पाएपनि बन्दाबन्दीको नियम लागु नगर्न बताइरहेको छ ।