अष्ट्रेलियामा एकैदिन थपिए एक लाख ३० हजार बढी कोरोना संक्रमित, ५३ जनाको मृत्यु

ब्रिजबेन,अष्ट्रेलिया । अष्ट्रेलियामा आइतबार एक लाख ३० हजार ३६ जनामा कोरोना संक्रमण पुष्टि भएको छ । पछिल्लो २४ घण्टामा कोरोनाबाट ५३ जनाको ज्यान गएको छ ।

कुन राज्यमा कोरोनाको अवस्था कस्तो ?
पछिल्लो २४ घण्टामा न्यु साउथ वेल्र्समा मात्रै ६३ हजार १८ जनामा कोरोना संक्रमण पुष्टि भएको छ । पिसिआर परीक्षणबाट २५ हजार ८० र एन्टिजेन परीक्षण गर्दा ३७ हजार ३९८ जनामा कोरोना संक्रमण पुष्टि भएको न्यु साउथ वेल्स स्वास्थ्य विभागले जानकारि दिएको हो । न्यु साउथ वेल्समा कोरोनाबाट पछिल्लो २४ घण्टामा २९ जनाको मृत्यु भएको छ ।

भिक्टोरियामा पछिल्लो २४ घण्टामा २८ हजार १२८जनामा कोरोना संक्रमण पुष्टि भएको छ । पिसिआर परीक्षणबाट १७ हजार ७९१ र एन्टिजेन परीक्षणबाट १० हजार ३३७ जनामा कोरोना संक्रमण पुष्टि भएको स्वास्थ्य विभागले जानकारि दिएको हो । भिक्टोरियामा पछिल्लो २४ घण्टामा संक्रमणबाट १३ जनाको मृत्यु भएको छ । येसँगै भिक्टोरियामा सक्रिय कोरोना संक्रमितको संख्या दुई लाख ३७ हजार ५५९ पुगेको छ ।

क्वीन्सल्याण्डमा १७ हजार ४४५ जना कोरोना संक्रमित थपिएका छन् । पिसिआर परीक्षणबाट १३ हजार ८३० र एन्टिजेन परीक्षणबाट ४ हजार ६१४ जनामा कोरोना संक्रमण पुष्टि भएको स्वास्थ्य अधिकारिले जानकारि दिएका हुन् । क्वीन्सल्याण्डमा संक्रिय संक्रमितको संख्या दुई लाख ३ हजार ६५७ पुगेको स्वास्थ्य विभागले जानकारि दिएको छ । पछिल्लो २४ घण्टाको अबधीमा क्वीन्सल्याण्ड कोरोनाबाट ३ जनाको मृत्यु भएको छ ।

यता, पछिल्लो २४ घण्टामा तास्मनियामा १ हजार २०१, उत्तरी क्षेत्रमा ५ सय ४६, दक्षिण अष्ट्रेलियामा ५ हजार ६७९ र एसीटीमा १ हजार १२५ जनामा कोरोना संक्रमित पहिचान भएका छन् । खोप अभियानले तिब्रता पाएको अष्ट्रेलियामा ओमिक्रोनको भेरियन्टसँगै कोरोना महामारिले तिब्रता पाएको छ ।