कानुन अनुसार तलब, सुविधा नदिदा ब्रिजबेन र न्यु साउथ वेल्सका दुई कम्पनीलाई जरिवाना !

ब्रिजबेन । श्रम ऐन अनुसार चालकलाई तलब, सेवा सुविधा नदिएको पाइएपछि ब्रिजबेनमा रहेको रोड फ्रेट ट्रान्सपोर्ट कम्पनी र कम्पनीका निर्देशकले अदालतमा ३१ हजार ९६८ जरिवाना तिरेका छन् । फेयरवर्क अमबुड्सम्यानको उजूरीका आधारमा संघीय अदलातले खाद्यान्न र अन्य सामानहरू ढुवानी गर्ने अल्पाइन फ्रेश प्रालिलाई २६ हजार ६४० र कम्पनी निर्देशक मिचेल म्याकअल्पाइनलाई ५ हजार ३२८ जरिवाना गराएको हो ।

अल्पाइन फ्रेसमाथी दुई जना चालकको कानुन अनुसारको सेवा सुविधा नदिएको पुष्टि भएसँगै यस्तो कारबाही भएको बताइएको छ । फेयरवर्क अमबुड्सम्यानले कानुनी कारबाही सुरु गरेपछि भने अल्पाइन फ्रेसले कामदारहरूलाई श्रम एने अनुसारको भुक्तानी दिन थालेको थियो । फेयरवर्क अमबुड्सम्यान सान्ड्रा पार्करले आफ्नो तलब वा अधिकार नपाउनेहरुले निःशुल्क सल्लाह र सहयोग पाउने भन्दै अन्याय विरुद्ध आवाज उठाउन आह्वान गर्नुभएको छ । यस्ता गुनासो र कारबाहीले उद्योग, व्यवसायहरु सचेत हुने र कामदारले न्याय पाउने अपेक्षा गरिएको छ ।

यस्तै, न्यु साउथ वेल्स क्षेत्रमा क्लिनिङ सेवा दिदैआएको Hunter Region of New South Wales र यसका निर्देशक विरुद्ध समेत १५ हजार ९८४ जरिवाना गराइएको छ । फेयरवर्क अमबुड्सम्यानमा कामदारले गरेको उजूरीका आधारमा कम्पनीमाथी १३ हजार ३२० र कम्पनी निर्देशकलाई २ हजार ६६४ जरिवाना गराइएको हो । कमर्शियल क्लिनिङले २०२१ को जनवरी र फेब्रुओरीमा क्लिनरको रूपमा काम गरेका दुई जना कामदारहरूलाई कानुन अनुसारको सेवा सुविधा नदिएको आधारमा कारबाही गरिएको संघीय अदालतले जानकारी दिएको छ ।

तपाईहरुको कानुनी उपचारका लागि सूचना : 

Employers and employees can visit www.fairwork.gov.au or call the Fair Work Infoline on 13 13 94 for free advice and assistance about their rights and obligations in the workplace. An interpreter service is available on 13 14 50.