गाेजीमा दाम छैन’ भन्दै ‘सालकाे पात’ मा नाचे आमाबुवा (भिडियाेसहित)
सिड्नी
अष्ट्रेलिया घुम्न आएका सात सय अभिभावक एकै ठाउमा भेला भएर वनभाेज खाएका छन् ।
शनिवार सिड्नीबाट झण्डै १ सय ३० किलाेमिटर दक्षिणमा पर्ने फिट्स राेय झरना नजिकै अभिभावकले वनभाेज खाएका हुन् ।
गैर आवासिय नेपाली संघ अष्ट्रेलियाका एनएसडब्लु र क्यानवेरा मिलेर वनभाेजकाे आयाेजना गरेकाे हाे ।
नेपालबाट आफ्ना छाेरीछाेरा भेट्न आएका सिड्नी र क्यानवेराका बुवाआमा वनभाेजमा सहभागि भएका थिए । १४ वटा बसमा चढेर वनभाेजमा पुगेका अभिभावकहरु दिनभरी नाचगान गरेर रमाएका थिए । 
उनीहरुले ‘सालकाे पात टपरी’, ‘गाेजीमा दाम छैन’ जस्ता अहिलेकाे चर्चित गितमा नाचेर रमाईलाे गरेका थिए ।
वनभाेजमा सारै रमाईलाे भएकाे एक अभिभावकले बताउनुभयाे ।
‘दिनभरी घरमै बसिरहदा एक्लाे महसुस भएकाे थियाे’- ति अभिभावकले भने-‘ पिकनिकमा नेपाल भरिका साथीभाई भेटेर नाचगान गर्न पाउदा आनन्द भयाे’ । ३ देखि ६ महिना बस्ने गरि अष्ट्रेलिया आउने अभिभावकहरु छाेराछाेरी काममा गएपछि एक्लाे हुने गरेका छन् ।
अभिभावककाे एक्लाेपन हटाउन एनआरएनए अष्ट्रेलियाले ४ वर्षदेखि वनभाेज गर्दै आएकाे छद।
“अभिभावकहरुलाई नेपाली समाजमा घुलमिल गर्न हामीले चार वर्षदेखि वर्षेनी वनभोज आयोजना गरिरहेका छौ”- एनआरएनएका एनएसडब्लु संयोजक नन्द गुरुङले भने -“यसले उहाँहरुको एक्लोपन हटाउन सहयोग गर्नेछ” ।
वनभाेजमा वुवाआमाका लागि स्वास्थ्य परिक्षण शिविर समेत राखिएकाे थियाे ।
वनभोज कार्यक्रममा सहभागी हुन अभिभावकले ३० डलर तिरेका थिए । अर्काे वर्षदेखि निशुल्क रुपमा वनभाेज गर्ने तयारी रहेकाे संयाेजक नन्द गुरुङकाे भनाई छ । बस भाडा र खानाका लागि न्युनतम शुल्क लिएकाे भन्दै केही गुनासा पनि आएकाले अर्काे वर्षदेखि केही परिवर्तन गर्ने गुरुङकमे भनाई छ ।
कार्यक्रममा कथाले नेपालकाे जेलमा बनेका बासँका मुढासमेत प्रदर्शन गरेकाे थियाे ।
भाषण कम गराैं
वनभाेज कार्यक्रम रमाईलाे हुदाहुदै पनि धेरै भाषणले अलि खल्लाे भएकाे अभिभावकहरुकाे गुनासाे छ ।
नेपालट्युबलाई प्रतिक्रिया दिदै एक अभिभावकले भने नाच्दानाच्दै बिचबिचमा धेरै भाषण गरिएकाले आफुले साेचे जस्ताे रमाईलाे गर्न नसकेकाे गुनासाे गरे ।
वनभाेज भनिएपनि नेपाली समाजका अगुवाहरुले लम्वेतान भाषण गरेका थिए ।
नजिकिदाे एनआरएनकाे निर्वाचनलाई समेत ख्याल गरेर अगुवाहरुले वनभाेजलाई भाेट बढाउन समेत प्रयाग गर्न भ्याए ।
हुन त, अष्ट्रेलियाकाे नेपाली समाजमा हुने सांस्कृतिक कार्यक्रम हाेस् या च्यारिटी डिनर लम्वेतान भाषण राेग नै बनिसकेकाे छ ।
अष्ट्रेलिया जस्ताे विकसित र हर सेकेण्डकाे महत्व हुने देशमा आएर समेत नेपालीहरु भाषणमै रमाएकाे देखेर अभिभावकहरुले दुख व्यक्त गरे ।
लाइभ न्युज
तपाईको प्रतिक्रिया