सन्दीप लामिछानेविरुद्ध नाबालिका बलात्कारको उजुरी दर्ता
काठमाडौं/ नेपाली राष्ट्रिय क्रिकेट टिमका कप्तान सन्दीप लामिछानेविरुद्ध एक नाबालिकाले बलात्कार गरेको आरोपमा प्रहरीमा उजुरी दिएकीछन् । मंगलबार काठमाडौं प्रहरी परिसरमा जाहेरी परेको हो ।
गत भदौ ५ गते तिलगंगा क्षेत्रको एक होटलमा लगेर आफूलाई लामिछानेले जबर्जस्ती करणी गरेको जाहेरीमा उल्लेख छ । उजुरी परेको र छानबिन भईरहेको प्रहरीलाई उल्लेख गर्दै स्थानीय संचारमाध्यमहरुले जनाएका छन् ।
पीडित भनिएकी बालिकाले प्रशंसकको रुपमा स्न्याप च्याटमार्फत लामिछानेसँग कुराकानी गर्ने गरेको र त्यसकै आधारमा भेट्न बोलाएर भदौ ५ मानगरकोट घुमाउन लागेको पनि पीडित किशोरीले जाहेरीमा उल्लेख गरेकी छन् ।
नेपाली टोलीको नेतृत्व गर्दै लामिछाने केन्याविरुद्ध ट्वान्टी–२० अन्तर्राष्ट्रिय शृङखला खेल्न भदौ ६ गते राजधानी नैरोबीतर्फ प्रस्थान गरेकाथिए । लामिछाने हाल क्यारेबियन प्रिमियर लिग खेल्न वेस्ट इन्डिजमा छन् ।
लाइभ न्युज
तपाईको प्रतिक्रिया