अष्ट्रेलियामा बलात्कार गरेको आरोपमा अमेरिकाबाट नेपाली पक्राउ
सिड्नी
अष्ट्रेलियामा बलात्कार गरेको आरोपमा अमेरिकाको न्युयोर्कमा एक नेपाली युवा समातिएका छन् ।
सन् २०१७ को जुनमा अमेरिकाबाट अष्ट्रेलिया घुम्न आएका नेपाली युवाले सिड्नीमा एक अष्ट्रेलियन महिलालाई बलात्कार गरेको आरोप लागेको हो ।
उजुरीपछि अष्ट्रेलिया प्रहरीले युवकको खोजी थालेको थियो ।
अमेरिका भागेको सुचनाका आधारमा अष्ट्रेलियन प्रहरीले अमेरिकी प्रहरीसंग सहकार्य गरेको थियो ।
तस्बिर-एनएसडब्लु प्रहरी
प्रहरीका अनुसार २१ बर्षकी युवतीलाई बलात्कार गरी ती युवक केही घण्टामै अमेरिका फर्किएका थिए ।
अष्ट्रेलियाली प्रहरीले संघिय पक्राउपुर्जी जारी गरेपछि अमेरिकामा उनलाई हिरासतमा लिई सुपुर्दगी गरिएको थियो । उनलाई न्युयोर्कमा स्थानिय प्रहरीको सहयोगमा लसएन्जलस पुर्याई अष्ट्रेलियन प्रहरीले हिरासतमा लिएको थियो । सिड्नी ल्याईएको ती अभियुक्तलाई न्यु साउथ वेल्सको पारामाटा अदालतमा उपस्थित गराउने जनाइएको छ । उनलाई विना सहमति यौन सम्पर्क गरी अभद्रता प्रकट गरेको आरोप लगाईएको छ ।
लाइभ न्युज
तपाईको प्रतिक्रिया