काठमाडौं । शनिवार मतदान भएका इलामका सबै मतदान केन्द्रबाट राती २ बजे मतपेटिका गणना स्थल आइपुगेकाले अब मतगणना हुँदै छ । बिहानको २ बजे राति ७९ जटा मतदान स्थल र १४९ वटै मतदान केन्द्रको मतपेटिका गणना स्थल आइपुगेको जानकारी दिदै मुख्य निर्वाचन अधिकृतको कार्यालयले गणनाको थालनी हुने जानकारी दिएको हो ।
शनिबारदेखि नै मतगणना हुने भनिएपनि बाटोका कारण मतपेटिका ल्याउन ढिलाइ भएको बताइएको छ । इलाम बजारमा रहको गौतम बुद्ध हल (सिटी हलमा) मतगणना हुँदा चोक बजारमा रहेको डिस्प्ले बोर्डमा मत परिणाम सार्वजनिक गर्ने तयारी गरिएको छ । निर्वाचन कार्यालयका अनुसार परिणाम जान्न उत्सुकहरुका लागि सहज होस् भनेर मत परिणाम १ घण्टाको फरकमा सार्वजनिक गरिनेछ ।
इलाममा १ लाख १५ हजार ८८९ मतदाता रहेकोमा ६९ हजार २८७ मत खसेको थियो । यहाँ रास्वपाका मिलन लिम्बु,कांग्रेसका डम्बर खड्का र एमालेका सुहाङ नेम्वाङ मुख्य प्रतिस्पर्धी मानिएको छ । बझाङ प्रदेश सभा- १ को मतगणना समेत आजबाट सुरु हुँदैछ । बझाङमा एमाले उम्मेदवार र कांग्रेस उम्मेदवार मुख्य प्रतिस्पर्धामा छन् ।
लाइभ न्युज
तपाईको प्रतिक्रिया