काठमाडौं । अब विद्युतीय चार पाङ्ग्रे सवारीसाधनको उत्पादन नेपालमै हुने भएको छ। गाडी उत्पादन गर्नका लागि नेपालको कोशी एन के मोटर्स र चीनको स्यामन गोल्डेन ड्रागन अटोबडी कम्पनी बीच सम्झौता भएको हो ।
पछिल्लो समय विद्युत्बाट चल्ने दुई र चार पाङ्ग्रे सवारीसाधनको प्रयोग नेपालसहित विश्वका धेरै देशमा बढ्दो क्रममा छ। विदेशबाटै तयारी अवस्थामा सवारीसाधन ल्याएर नेपालमा बिक्री वितरण गरिदा विद्युतीय सवारीसाधनप्रति आकर्षण बढ्दै गएपछि एक वर्षभित्र नेपालमै उत्पादन गर्ने उद्देश्यका साथ एनके मोटर्सले पहल थालेको बताइएको छ । चीनको फुजियन प्रान्तमा रहेको उक्त अटोबडी कम्पनीसँग भएको सम्झौता पत्रमा कोशी एन के मोटर्सका अध्यक्ष टीकाराम पुरी र स्यामनका तर्फबाट प्रबन्ध निर्देशक एमडीले हस्ताक्षर गर्नुभएको छ ।
यो सम्झौता कार्यान्वयनसँगै अब नेपालमा नै चीन तथा कोरियन प्रविधिमा आधारित चार पाङ्ग्रे विद्युतीय गाडी उत्पादन हुने र मुल्यमा समेत केही सहुलियत हुने एन के मोटर्सका अध्यक्ष पुरीले जानकारी दिनुभयो । उहाँले नेपालमा पहिलो पटक मोरङको बुढीगंगामा १५ बिघा क्षेत्रफलमा सञ्चालनको तयारी गरिएको गाडी उत्पादन उधोगमा सुरुवाती लगानी ३ अर्ब रुपैयाँ हुने अध्यक्ष पुरीले जानकारी दिनुभएको छ ।
यो सम्झौताले १ वर्षभित्र विधुतिय सबै चार पाङ्ग्रे सवारीसाधन नेपालमै उत्पादन हुने सुनिश्चितता गरेको छ । कम्पनीले नेपाली परिवेश र आवश्यकता अनुसार प्रत्येक महिना ७ सय ५० गाडी उत्पादनको योजना बनाएको छ ।
लाइभ न्युज
तपाईको प्रतिक्रिया