अष्ट्रेलियामा १६ वर्ष मुनिका बालबालिकाले सोसल मिडिया चलाउन नपाइने

ब्रिजबेन । डिसेम्बर १० बाट अष्ट्रेलिया सरकारले १६ वर्ष मुनिका बालबालिकालाई सोसल मिडियामा खाता खोलेर चलाउन प्रतिबन्ध लगाएको छ । अष्ट्रेलियाका प्रधानमन्त्री एन्थनी अल्बानिजले बालबालिकाको व्यक्तित्व विकासमा असर परेको, बालमस्तिष्कमा गलत लत बढेको कारण सामाजिकसञ्जालमा रोक लगाउनु परेको जानकारी दिनुभएको छ ।

फेसबुक, युट्युब, टिकटक,एक्स, स्न्यावच्याट, ईन्ट्राग्राम,ट्वीच लगायतका १० वटा सामाजिक सञ्जाल चलाउन प्रतिबन्ध लगाइएको छ । सोसल मिडिया प्रतिबन्ध कडाइसाथ लागू गरिने जनाइएको छ । अष्ट्रेलियामा केही अघि गरिएको एक अध्ययन तथ्यांकमार्फत सामाजिक सञ्जालका घातक सामाग्रीका कारण १३ प्रतिशत बालबालिकाले आफैलाई हानि गरेको देखाएपछि सरकारले यस्तो कदम चालेको आँकल भइरहेको  छ ।

१६ वर्ष मुनिका युवाहरुले चलाएको अवस्थामा सामाजिक सञ्जाल प्लेटफमलाई ५० मिलिएन अष्ट्रेलियन डलर जरिवाना हुनसक्ने नियम बनाइएको छ । सरकारको कदमविरुद्द केही बालबालिकाले हाई कोर्टमा अपिल गरेका छन भने विरोध समेत सुरु भएको छ ।