समानुपातिक सूची बारे भ्रम फैलाइएको कुलमानको दाबी, रवि भन्छन– ‘गल्ती भए सच्याउछौँ’

काठमाडौं । राष्ट्रिय स्वतन्त्र पार्टी (रास्वपां) उपसभापति कुलमान घिसिङले प्रतिनिधिसभा सदस्य निर्वाचनको समानुपातिक सूचीका बारेमा आफूविरुद्ध भ्रम फैलाइएको बताउनुभएको छ ।

सुशीला कार्की नेतृत्वको अन्तरिम सरकारका मन्त्रीसमेत रहेनुभएका घिसिङले सामाजिक संजालमा लेख्दै प्रतिनिधि सभा निर्वाचनका लागि बुझाइएको समानुपातिक तर्फका उम्मेदवारको सूचीमा आफ्ना भान्जा र ससुरा भनि गलत प्रचार गरिएकोमा आपत्ति जनाउनुभएको छ । बाहिर चर्चा गरिएजस्तो नातेदारलाई समानुपातिक उम्मेदवार नबनाइएको दाबी उहाँले गर्नुभएको छ ।

यता, रास्वपा सभापति रवि लामिछानेले कुनै नातावाद, पक्षधरता देखिएको भए फिर्ता बोलाएर समानुपातिक सूचि सच्याइने प्रतिबद्धता एउटा भिडियो शन्देस जारी गरेर गर्नुभएको छ । रास्वपाको राजनीतिलाई नातावाद र फाईदा लिने स्वार्थको खेती बन्न नदिने प्रतिबद्धता सभापति लामिछानेले गर्नुभएको छ ।