अष्ट्रेलियामा मन्त्रालयका कर्मचारीले भ्रष्टाचार गरेको भेटिएपछि शिक्षा मन्त्रीले दिइन् राजीनामा

अष्ट्रेलियाको अस्ट्रेलियाको राजधानी क्षेत्र (एसिटी) को शिक्षा मन्त्री तथा उपमुख्यमन्त्री यभेट बेरीले आफ्नो मन्त्रालयअन्तर्गतका दुई वरिष्ठ सार्वजनिक अधिकारीविरुद्ध ‘गम्भीर भ्रष्ट आचरण’ को निष्कर्ष सार्वजनिक भएपछि क्याबिनेटबाट राजीनामा दिएकी छन्।

एसिटि इन्टिग्रिटी कमिसनले क्यानबेराको एक प्राथमिक विद्यालयको पुनर्निर्माण ठेक्कामा दुई अधिकारीले सिएफएमइयु युनियनको हितमा अनुचित रूपमा काम गरेको निष्कर्ष निकालेको छ।

आयोगले बेरीविरुद्ध कुनै भ्रष्टाचारसम्बन्धी निष्कर्ष ननिकाले पनि उनले राजनीतिक जिम्मेवारी स्वीकार्दै क्याबिनेटबाट राजीनामा दिएकी हुन्।

अब उनी सांसदका रूपमा ब्याकबेन्चबाट गिनिन्डेरा क्षेत्रका जनताको सेवा जारी राख्ने बताएकी छन्।