कोरोना नियम तोडेर कारवाहीमा परेका अष्ट्रेलियाका मन्त्रीद्वारा राजिनामा

सिड्नी

कोरोना भाईरस नियन्त्रणको प्रतिब’न्ध उल्लघंन गरेर कारवाहीमा परेका एक मन्त्रीले राजिनामा दिएका छन् ।
न्यु साउथ वेल्स राज्यका कलामन्त्री डन हार्विनलाई नियम तोडेको आरोपमा प्रहरीले १ हजार डलर जरिवाना तिराएको थियो । त्यसको २४ घण्टा पनि नबित्दै ती मन्त्रीले राजिनामा दिएका हुन् ।
राजिनामापछि जारी विज्ञप्तीले उनले भनेका छन् – ‘मैले नियम तोडेको छैन, तर यो विषम घडीमा मेरो कारणले सरकारको ध्यान अन्यत्र नमोडियोस् भनेर राजिनामा दिएको छु ।’
मन्त्री हार्विन सेन्ट्रल कोष्टको आफ्नो होलिडे हाउसमा बस्न गएका थिए । न्यु साउथ वेल्स राज्यले भाईरस फैलन नदिन, सबै नागरिकलाई शहरी क्षेत्रबाट ग्रामिण भेगमा यात्रा नगर्न र नबस्न निर्देशन दिएको छ ।
तर, यो नियमको उल्लघंन गर्दै मन्त्री हार्विन भने आफ्नो पर्ल विचको घरमा बस्न गएका थिए ।
गत बुधवार मन्त्री हार्विन होलिडे घरमा बसिरहेको फोटो सामाजिक संजालमा सार्वजनिक भएको थियो । त्यसपछि
बिहिबार उनी पर्लविचबाट सिड्नी फर्किएपछि प्रहरीले जरिवाना तिराएको हो ।  photo- Harwin facebook