मुख्य खबर नेपालमा कोरोना घट्दै, विवादकाे गाठाे फुक्दै लगायत खबर

संसारका ठुला मुलुक कोरोनाको गम्भीर चपेटामा छन् । एक अध्यन अनुसार मध्यपुर्वी देश कोरोनाको झन् जोखिम बढ्ने देखाएको छ । नेपालमा भने कोरोना घट्दै छन् । बाढी पहिरोले बिल्लिबाठ बनाएकाको घर प्रदेश सरकारले बनाइदिने । नेपालमा अझै बिग्रदै मौसम, बाढिपहिरोको जोखिम कायमै, नेकपामा फुक्दै गाठो लगायत खबरले नेपाल मिडियामा मुख्य स्थान पाएका छन् ।

कोरोना भाइरस संक्रमण मध्यपूर्वी देश चिन्ताजनक अवस्थामा                                                        कोरोना भाइरस संक्रमण मध्यपूर्वी देश चिन्ताजनक अवस्थामा पुगेका छन् । यी मुलुकहरुमा विश्व स्वास्थ्य संगठनले कोरोना भाइरसको प्रकोप पर्ने बताएको छ । सङ्गठनले संक्रमितहरुको कडा मात्रामा निगरानी गर्न सल्लाह दिएको छ । संक्रमण दरलाई बढ्न नदिन तथा सकेसम्म समुदायस्तरमा फैलिन नदिने यस्तो निगरानीको निकै खाँचो रहेको विश्व स्वास्थ्य संगठनले जानकारी दिएको हो । विश्व स्वास्थ्य संगठनले प्रत्येक देशले प्रतिदिन दश लाख नागरिकमध्ये कम्तीमा पनि १४० जना नागरिकको पिसिआर परीक्षण गर्नुपर्ने सुझाव दिएको हो । भारतका विभिन्न २२ संक्रमित स्थानहरुमा प्रति दिन प्रति १० लाखमध्ये १४० जनामा र कहिँ त त्यो भन्दा पनि बढी मानिसमा यसको परीक्षण गर्ने गरेको पाइएको समाचारहरुमा जनाइएको छ ।

बाढी पीडितको घर प्रदेश सरकारले बनाइदिने   

बाढी पीडितको घर वाग्मती प्रदेश सरकारले बनाइदिने भएको छ ।प्रदेशभभित्रका जिल्लाका बाढीपहिरो पीडितका लागि घर बनाइ दिने भएको हो । प्रदेश सरकारका मुख्यमन्त्री डोरमणि पौडेलेको अध्यक्षतामा शुक्रबार बसेको प्रदेश विपद् व्यवस्थापन निर्देशक समितिले यस्तो निर्णय गरेको थियो । बैठकले बाढीपहिरोमा घर गुमाएका पीडितलाई आवास बनाइदिने निर्णय गरेको सामाजिक विकासमन्त्री युवराज दुलालले जानकारी दिए । उनका अनुसार बाढीपहिरोले घरमा बस्नै नहुने गरी बिस्थापित भएका पीडितहरुले मात्र यो सुविधा पाउने छन् । निर्देशक समितिले बाढीपहिरोमा परी ज्यान गुमाएका र बेपत्ताका परिवारलाई एक लाख रुपैयाँका दरले राहत उपलब्ध गराउने निर्णय पनि गरेको छ । राहत रकम स्थानीय तहमार्फत तत्काल उपलब्ध गराइने समितिले जनाएको छ । बाढीपहिरो प्रभावित जिल्ला भएकाले सिन्धुपाल्चोकका पीडितले  प्रदेेश  सरकारले निर्णय गरेका सबै सुविधा पाउने देखिएको छ । बागमती प्रदेशका १३ जिल्लामा सिन्धुपाल्चोक यतिबेला सबैभन्दा बढी बाढीपहिरोको चपेटामा छ ।

नेपालमा कोरोना सङ्क्रमित घट्दै, ५८ जनामा कोरोना                                                        पछिल्लो २४ घण्टामा देशका विभिन्न प्रयोगशालामा गरिएको ३ हजार ३३१ जनामा पिसीआर परीक्षणमा ५७ जना संक्रमित थपिएका छन् । स्वास्थ्य तथा जनसंख्या मन्त्रालयले कोरोना अपडेटबारे शनिबारको नियमित प्रेस ब्रिफिङमा यस्तो जानकारी दिएको हो । योसँगै नेपालमा कोरोना संक्रमितको संख्या १७ हजार ५०२ जना पुगेको छ । मन्त्रालयका अनुसार बिहीबार देशभर २३ हजार २७५ जना क्वारेन्टाइनमा रहेका छन् । त्यस्तै कुल ५ हजार ८२५ जना आइसोलेसनमा उपचाररत रहेका छन् ।

आइतवारदेखि लगातार ४ दिन भारी बर्षा 

पछिल्लो २४ घण्टामा देशका विभिन्न प्रयोगशालामा गरिएको ३ हजार ३३१ जनामा पिसीआर परीक्षणमा ५७ जना संक्रमित थपिएका छन् । स्वास्थ्य तथा जनसंख्या मन्त्रालयले कोरोना अपडेटबारे शनिबारको नियमित प्रेस ब्रिफिङमा यस्तो जानकारी दिएको हो । योसँगै नेपालमा कोरोना संक्रमितको संख्या १७ हजार ५०२ जना पुगेको छ । मन्त्रालयका अनुसार बिहीबार देशभर २३ हजार २७५ जना क्वारेन्टाइनमा रहेका छन् । त्यस्तै कुल ५ हजार ८२५ जना आइसोलेसनमा उपचाररत रहेका छन् ।

ओलिको नयाँ प्रस्ताव, मङ्सिरमा पार्टी अधिवेशन

सत्तारुढ नेपाल कम्युनिस्ट पार्टी (नेकपा)का अध्यक्ष एवं प्रधानमन्त्री केपी शर्मा ओलीले मंसिरमा महाधिवेशन प्रस्ताव अघि सारेका छन् । शनिबार सारेको उनको यो नयाँ प्रस्ताव हो । पार्टीका अर्का अध्यक्ष पुष्पकमल दाहाल प्रचण्डसहितका नेताहरुको दबावका बावजुद प्रधानमन्त्री र अध्यक्ष दुबै पद नछाड्ने अडान लिइरहेका ओलीले महाधिवेशनको नयाँ प्रस्ताव अघि सारेका छन् । शनिबार बालुवाटारमा सचिवालय बैठक बसेको थियो बैठकमा ओलीले पार्टीको एकता महाधिवेशन मंसिरमै गर्ने प्रस्ताव राखेका हुन् । यसअघि दुई अध्यक्षबीच बारम्बार विवाद हुँदै आइरहेको थियो । ओलिले दुवै पद नछाड्ने भएपछि प्रचण्ड दबाबमा परेको नेकपा स्रोतले जनायो ।