एम्पाएर क्रिकेट कपको फाइनल फेव्रवरी ७ मा ब्रिजवेनमा हुने

ब्रिजवेन
विगत ६ महिनादेखि जारी एम्पाएर क्रिकेट कपको फाइनलमा नेपलिज क्रिकेट क्लब टोअम्बा र एक्सपर्ट नेपलिज ब्रिजवेन भिड्ने भएका छन् ।
कुइन्सल्याण्डका ८ वटा नेपाली क्रिकेट टिमबिच भएको टि २० खेलमा यी दुइ टिम फाइनलमा पुग्न सफल भएको हो । फाइनल खेल आगामी आइतबार  फेव्रवरी ७ तारिखमा दक्षिणी ब्रिजवेनको डारा खेल मैदानमा हुने तय भएको हो । कुइन्सल्याण्ड नेपलिज नेपलिज क्रिकेट एशोसियसनले प्रतियोगिताको आयोजना गरेको हो । कपको मुख्य सहयात्रीका रुपमा एम्पाएर एजुकेशन तथा भिषा सर्भिसेसले साथ दिएको छ ।
फाइनल खेल हेर्न निशुल्क प्रवेशको व्यवस्था गरिएको छ । खेल मैदानमा नेपाली खानाको स्टलसमेत राखिने आयोजकले जानकारी गराएका छन् ।