लण्डन । बेलायती प्रधानमन्त्री बोरिस जोनसोनले आफ्ना नौ जना नागरिक र चार संस्थानहरुमाथि चीनले लगाएको प्रतिबन्धप्रति आपत्ति जनाउनुभएको छ । चीनमा अल्पसंख्यक उईघुर समुदायको पक्षमा आवाज उठाएको बाहानामा चीनले आफ्ना नागरिकमाथि प्रतिबन्ध लगाएको भन्दै बेलायती प्रधानमन्त्री जोनसोन आक्रोसित हुनुभएको हो ।
चीनमा अल्पसंख्यक उईघुरहरुको हक अधिकारको पक्षमा बोल्नु आधारभुत बिषय भएको प्रधानमन्त्री जोनसोनले बताउनुभएको छ । जोनसोनले ट्विइट गर्दै चीनमा उईघुर जाति बिरुद्ध दमन भइरहेको र यही बिषयमा आवाज उठाएको बाहानामा आफ्ना नागरिक तथा केही सांसदमाथि चीनले प्रतिबन्ध लगाएको जानकारी गराउनुभएको छ । मानव अधिकार हनन गर्ने बिरुद्ध आवाज उठाउनु आधारभुत अधिकार भएको र यसको पक्षमा आफु अडिग रहेको प्रधानमन्त्री जोनसोनले ट्विइटर मार्फत बताउनुभएको छ ।
चीनले मानवअधिकार उल्लंघन गरेको भन्दै यूरोपेली संघ तथा बेलायतले चिनियाँ अधिकारीहरुमाथि प्रतिबन्ध गर्ने निर्णय गरे लगक्तै चीनले नौ जना बेलायती नागरिक तथा चार संस्थानहरुलाई प्रतिबन्धको घोषण गरेको थियो। श्रोतः जस्ट अर्थ न्युज
लाइभ न्युज
तपाईको प्रतिक्रिया