‘हाम्रो सम्बन्ध’ को म्युजिक भिडियो ब्रिजवेनमा बन्दै

ब्रिजवेन
लोकप्रिय गायक सुनिल गिरीको गित हाम्रो सम्बन्धको सुटिङ अष्ट्रेलियाको ब्रिजवेनमा भइरहेको छ । दशैं अगाडी सार्वजनिक गर्ने गरि ब्रिजवेन आसपासमा धमाधम सुटिङ भइरहेको छ ।
भिडियोमा मोडल करण गुरुङलाई हिलारी रावलले साथ दिनुभएको छ । भिडियोको कोरियोग्राफीको जिम्मा भने किरण मगरको हातमा परेको छ । भिडियोलाई ब्रिजवेनका उम्दा भिडियोकर्मी सुदिप विष्टले निर्देशन गरिरहनुभएको छ । नेपाली गितलाई अष्ट्रेलियामा सुटिङ गर्नका लागि नोभा एजुकेशन तथा भिषा सर्भिसेसले आर्थिक सहयोग गरेको छ ।
को होला त्यो ? कस्तो यो मन, सुनको चुरा जस्ता लोकप्रिय गित गाइसकेका गायक सुनिल गिरीको हाम्रो सम्बन्ध बोलको गितलाई अष्ट्रेलियामा निमार्ण गर्ने काम त्यति सजिलो नभएको निर्देशक विष्ट बताउनुहुन्छ । युवा पुस्ताले रुचाउने खालको गित भएकाले अष्ट्रेलियाको जिवनीसंग मेल खाने गरी भिडियो बनाउन लागिएको विष्टले जानकारी दिनुभयो । कलाकार करणले पनि यो भिडियो आफ्ना लागि कमब्याक प्रोजेक्ट भएकाले निकै आशावादी र उत्साही भएको बताउनुभयो । करणले ५ वर्षअघि नै नेपालमा केही म्युजिक भिडियोहरु खेलिसक्नुभएको छ । अर्का कलाकार हिलारीले पनि भिडियो उत्कृष्ट बन्नेमा आशावादी रहेको बताउनुभयो । नेपाली कला, भाषा र संगितलाई उत्थान गर्नका लागि नेपाली म्युजिक भिडियो निर्माणमा सहयोग गरेको नोभाको भनाई छ ।