न्यु साउथ वेल्समा १३३३ जना र भिक्टोरियामा ५५३ जना कोरोना संक्रमित थपिए

ब्रिजबेन, अष्ट्रेलिया । न्यु साउथ वेल्समा पछिल्लो २४ घण्टामा १ हजार ३३३ जना कोरोना संक्रमित थपिएका छन् । पछिल्लो २४ घण्टामा गरिएको १ लाख २० हजार ९५४ जनाको स्वाब परीक्षणमार्फत १ हजार ३३३ जनामा संक्रमण पुष्टि भएको स्वास्थ्य विभागले जानकारी दिएको हो ।

पछिल्लो २४ घण्टामा थपिएका कोरोना संक्रमितमध्ये २ जना बाहिरी रहेको बताइएको छ । न्यु साउथ वेल्समा अहिलेसम्म १ करोड ५६ लाख ९३ हजार ९६५ जनाको कोरोना परीक्षण मार्फत ५० हजार ७३० जनामा कोरोना संक्रमण पुष्टि भएको पाइएको छ । पछिल्लो २४ घण्टामा कोरोना संक्रमणबाट न्यु साउथ वेल्समा ६ जनाको मृत्यु भएको स्वास्थ्य विभागले जानकारी दिएको छ । न्यु साउथ वेल्समा अहिलेसम्म कोरोनाबाट २८४ जनाको मृत्यु भएको छ ।

यस्तै, भिक्टोरियामा पछिल्लो २४ घण्टामा ५ सय ५३ जना कोरोना संक्रमित थपिएका छन् । ६१ हजार ६२२ जनाको कोरोना परीक्षण गर्दा ५५३ जना स्थानीय व्यक्तिमा संक्रमण पुष्टि भएको स्वास्थ्य विभागले जानकारी दिएको हो ।