कुइन्सल्याण्डमा बाढीले बगाएर दुइको निधन, झरीले अझै जोखिम बढाउन सक्ने

ब्रिजवेन, हिजोदेखि परेको झरीले दक्षिण पुर्वी कुइन्सल्याण्डको ब्रिजवेन क्षेत्रमा दुइ जनाको ज्यान गएको छ । झरीले निम्त्याएको बाढीमा परि स्टेट इमेजेन्सी सेवा एसइएसका स्वयसेवक तथा अको एक पुरुषको निधन भएको हो । इप्सविचको कोलोना क्षेत्रमा बाढीको पानीमा फसेका स्थानियलाई उद्दार गर्न जाने क्रममा एसइएसका ४ जना सदस्य चढेको गाडीलाई पनि बगाएको थियो ।

अन्य तिन जनालाई भने मोटरबोटको सहयोगमा उद्ददार गरिएको छ । स्वयसेवकको निधनप्रति एसइएसले गहिरो दुख प्रकट गरेको छ ।
त्यस्तै ब्रिजवेनको स्टोन कर्नर क्षेत्रमा पनि बाढीका कारण एक पुरुषको निधन भएको छ । अधिकारीहरुले थप एक दिन यस्तै मौसम जारी रहने भएकाले दक्षिण पुर्वी कुइन्सल्याण्डवासीलाई सचेत रहन आग्रह गरेका छन् । कुइन्सल्याण्डको यस मौसमलाई दशककै सबैभन्दा खराब भनेर उदृत गरिएको छ । मौसम ब्युरोका अनुसार आज पनि भारी वर्षा जारी रहनेछ । ब्युरोका अनुसार ब्रिजवेन क्षेत्रमा प्रति दुइ घण्टामा १ सयदेखि २२० मिलिमिटर पानी परिरहेको छ ।

ब्रिजवेन बाहेक सनसाइनकोष्ट, सिनिक रिम, टोअम्बा, मोरेटन बे तथा गिम्पी क्षेत्रमा आपतकालिन सुचना जारी गरिएको छ । हिजो मात्रै सहयोगका लागि एक हजार भन्दा बढी फोन कल प्राप्त भएको अधिकारीहरुले बताएका छन् ।