नेपाली कामदारलाई कम पारिश्रमिक दिने अष्ट्रेलियाको एक क्याफेलाई २९ हजार डलर जरिवाना

होबार्ट/नियमले तोकेको भन्दा कम पारिश्रमिक दिएको भन्दै अष्ट्रेलियाको तास्मानियास्थिते एक क्याफेलाई २९ हजार २ सय डलर जरिवाना भएको छ । उजुरी परेपछि फेयरवर्क अमबुड्सम्यानले होबार्टस्थित सालामाङ्का वार्फ क्याफेविरुद्ध स्थानिय अदालतमा मुद्धा दायर गरेको थियो । त्यसपछि फेडरल सर्किट अदालतले क्याफे संचाकल कम्पनीलाई २२ हजार डलर र दुइ संचालकलाई ३ हजार र ४२ सय डलर जरिवाना तिराउने फैसला गरेको हो ।

जरिवानासंगै अदालतले कामदारलाई सन् २०१८ देखि २०२० सम्म दिएको कम पारिश्रमिकको रकम र सुपरएन्युएसन वापतको रकमसमेत तिर्नका लागि कम्पनीलाई निर्देशन दिएको छ । आफु काम गर्ने क्याफेले नियमले तोकेभन्दा कम पारिश्रमिक दिएको तथा सुपरसमेत जम्मा नगरेको भन्दै फेयरवर्कमा उजुरी परेको थियो । सो समयमा उक्त क्याफेमा एक नेपाली तथा १७ दखि १९ वर्षका अन्य ४ जना काम गर्थे । फेयरवर्कका कार्यवाहक प्रमुख क्रिष्टिन हानाले नियमसंगत काम नगर्ने तथा निर्देशनको वेवास्ता गर्ने व्यवसायलाई अदालतसम्म लगिने तथा तिर्न बाकी रकम पनि भुक्तानी गराइछाड्ने बताउनुभयो ।

नियमसंगत काम नगर्ने व्यवसाय विरुद्ध कानुनी कारवाही गरि कामदारले पाउने सेवा सुविधा दिलाउन फेयरवर्क सधै तयार गरेको समेत हानाले बताउनुभयो । कामको सेवा सुविधा बारे केही गुनासा भए निशुल्क सल्लाह र सहायताका लागि फेयरबर्कमा सम्पर्क गर्न समेत हानाले सबैलाई अपिल गर्नुभएको छ ।

Employers and employees can visit www.fairwork.gov.auor call the Fair Work Infoline on 13 13 94 for free advice and assistance about their rights and obligations in the workplace. An interpreter service is available on 13 14 50. Small businesses can find targeted resources at the Small Business Showcase.