अस्ट्रेलियामा अनलाइन सुरक्षाका लागि नयाँ कानुनको मस्यौदा
अस्ट्रेलिया सरकारले नागरिकको अनलाइन सुरक्षा र आफ्नो रोजाइअनुसार सामाजिक सञ्जाल प्रयोग गर्न पाउने अधिकार बढाउने उद्देश्यले ‘डिजिटल ड्युटी अफ केयर’ सम्बन्धी नयाँ कानुनको मस्यौदा ल्याएको छ।
यसअन्तर्गत ‘My Feed, My Way’ पहल सुरु गरिएको छ। १६ वर्षभन्दा माथिका प्रयोगकर्ताले सामाजिक सञ्जालको एल्गोरिदमले सिफारिस गरेका सामग्री हटाएर आफूले फलो गरेका व्यक्तिका पोस्ट मात्र हेर्न सक्नेछन्।
त्यस्तै, १८ वर्षमुनिका बालबालिकालाई अनलाइन गेम, एप र एआई च्याटबटमा लत लाग्ने फिचर, अश्लील तथा अन्य हानिकारक सामग्री, साइबर बुलिङ लगायतबाट जोगाउनुपर्ने व्यवस्था गरिएको छ।
नियम उल्लङ्घन गर्ने प्रविधि कम्पनीलाई १० करोड ९२ लाख अस्ट्रेलियाली डलरसम्म जरिवाना हुन सक्नेछ।
प्रधानमन्त्री एन्थोनी अल्बानिजले यो कदम सरकारको नियन्त्रणका लागि नभई नागरिकलाई आफ्नो अनलाइन अनुभवमा बढी अधिकार दिन ल्याइएको बताएका छन्।
लाइभ न्युज
तपाईको प्रतिक्रिया