प्रधानसेनापति शर्मा तीन दिने भ्रमणका लागि अष्ट्रेलिया आउँदै !

काठमाडौं, ब्रिजबेन । नेपाली सेनाका प्रधानसेनापति प्रभुराम शर्माले अष्ट्रेलियाको तीन दिने भ्रमण गर्नुहुने भएको छ । जुलाई २५ देखी २७ अर्थात साउन ९ देखी ११ सम्म सिडनीमा सञ्चालन हुने ‘एनुअल चिफ अफ डिफरेन्स कन्फ्रेन्स’मा भाग लिन प्रधानसेनापति शर्मा अष्ट्रेलिया आउन लाग्नुभएको हो ।

प्रधानसेनापति शर्माको यो भ्रमणलाई असार ३१ को मन्त्रिपरिषद् बैठकले स्वीकृत गरिसकेको छ। प्रधानसेनापति शर्माले बैदेशिक भ्रमणलाई कार्यकाल सुरुवात गरेदेखी नै निरन्तरता दिदै आउनुभएको छ । केही समय अघि मात्रै शर्माले अमेरिकालगायतका देशको भ्रमण पूरा गरी स्वदेश फर्किनुभएको थियो ।