नेपाली र श्रीलंकन कामदार ठगिए, अदालत पुग्यो ठग कम्पनी विरुद्धको मुद्धा !

ब्रिजबेन । पाँच आप्रवासी क्लिनरहरूलाई कानुन अनुसार तलब सेवा सुविधा नदिएको भन्दै सिड्नीका तीन कम्पनी र पूर्व निर्देशकमाथी कानुनी कारबाही अघि बढाइएको छ । फेयरवर्क अम्बुडस्म्यानले कानुन अनुसार कामदारलाई तलब सेवा सुविधा नदिएको भन्दै संघीय अदलातमा मुद्धा दर्ता गरेको हो ।

पाँच जना क्लिनरहरूलाई स्वतन्त्र ठेकेदारको रूपमा गलत वर्गीकरण गरेर फेयर वर्क ऐनको छलपूर्ण करार प्रावधानहरू उल्लङ्घन गरिएको आरोप लगाउँदै दर्ता गरिएको मुद्धामा १ लाख २५ हजार ५६५ डलर बराबरको ठगी गरिएको अभियोग लगाइएको छ । अष्ट्रेलियामा विद्यार्थी भिसामा आएका र अध्ययनपछि वर्क भिसामा रहेका श्रीलंकाली र नेपाली कामदारले कानुन अनुसार तलब सेवा सुविधा नपाएको उजुरी, गुनासोसँगै अनुसन्धान थालिएको थियो । २०१८ को पे्रmब्रुअरी र २०१९ को अप्रिल बीचमा लगाइएको काममा सफाई गर्ने श्रीलंकाली र नेपाली कामदारमाथी ठगी गरिएको फेयरवर्क अम्बुडस्म्यानले गरेको अनुसन्धानबाट पुष्टि भएपछि कानुनी कारबाही अघि बढाइएको फेयर वर्क ओम्बड्सम्यान सान्ड्रा पार्करले जानकारि दिनुभयो ।

कानुन अनुसारको तलब, सुविधा नपाएका, जोखिममा परेका कामदारहरूको सुरक्षा, कानुन मिच्नेमाथी कारबाहीलाई फेयरवर्क अम्बुडस्म्यान प्रमुख प्राथमिकतासहित कानुनी कारबाही अघि बढाउने गरेको छ ।