काठमाडौं । लन्डनबाट चाँडै हवाई सेवा सुरु गर्न लागेको हिमालयन जेट एयरलाइन्सले बेलायत, फ्रान्स र जर्मनीलगायतका देशबाट नेपालमा सिधा उडान गर्ने भएको छ । लामो दुरीमा बिना कुनै ट्रान्जिट उडान गर्ने गरी खुलेको हिमालय जेट एयरलाइन्सले आगामी सेप्टेम्बरदेखि बेलायतको लन्डन र म्यानचेस्टर, फ्रान्सको पेरिस र जर्मनीको फ्र्यांकफर्टबाट सिधा नेपालमा उडान भर्ने तयारी भएको कम्पनीले जानकारी दिएको हो ।
हिमालय जेटले १८ थान वाइड बडी जहाजबाट संसारका विभिन्न रुटमा सिधा उडान गर्नेगरि तयारी अन्तिम चरणमा पुर्याएको छ । स्टार्टअप कम्पनीका रुपमा हालसालै सुरु भएको उक्त एयरलाइन्समा नेपाली दीपेन्द्र गुरुङ सञ्चालक भएकाले पनि नेपाली गन्तव्य प्राथमिकतामा परेका छन । गुरुङले नेपालको पर्यटन प्रवर्द्धनमा हिमालय जेटको सिधा उडानबाट योगदान दिईने जानकारी दिनुभयो ।
एयरलाइन्सले ५५ क्याप्टेन र ५५ कोपाइलटका लागि दर्खास्त समेत आह्वान गरेको छ। उडान विस्तारसंगै कम्पनीले थप २ हजार ५०० कर्मचारी भर्ना गर्ने प्रक्रिया समेत अघि बढाएको छ ।
लाइभ न्युज
तपाईको प्रतिक्रिया