एसिया कप क्रिकेट : पाकिस्तानसँग नेपाल २ सय ३८ रनले पराजित

आरिफ २६ रन बनाउँदा हरिश राउफको बलमा बोल्ड आउट भएका थिए । दोस्रो ओभरमा नै तीन विकेट गुमाएर दबाबमा आएको नेपाल सम्हालिने प्रयासमै रुमलियो । पहिलो ओभरको पाँचौं बलमा ओपनर कुशल भुर्तेललाई गुमाएको नेपालले अन्तिम बलमा कप्तान रोहित पौडेललाई गुमाएको थियो।ओभरको सुरुवाती दुई बलमा लगातार चौका प्रहार गरेका भुर्तेल ओभरको पाँचौं बलमा शहिन शा अफ्रिदी बलमा विकेट किपर मोहम्मद रिजवानको हातबाट क्याच आउट हुँदा कप्तान रोहित अफ्रिदी कै बलमा गोल्डेन डक आउट भए। दोस्रो ओभरको चौथो बलमा ओपनर आशिफ शेख ५ रन बनाउँदा नसिम शाहको बलमा इफिखार अहमदको हातबाट क्याच आउट भएका थिए । नेपाललाई कम स्कोरमा रोक्न सदाव खान एक्लैले चार विकेट, शहिन शा अफरिदी, हरिस राउफले समान २ विकेट लिएका थिए । नसिम शाह र मोहम्मद नवाजले समान एक विकेट लिएका थिए ।

यसअघि टस जितेर पहिले ब्याटिङ गरेको पाकिस्तानले निर्धारित ५० ओभरमा ६ विकेट गुमाएर ३४३ रन बनाएको थियो । पाकिस्तानका लागि बाबर आजमले शतकीय पारी खेले । १३१ बल खेलेका बाबरले १४ चौका र ४ छक्काको सहयोगमा १५१ रन बनाए । यता, इस्तफिकरले १०९ रनको शतकीय पारी खेले । ७१ बल खेलेका उनले ११ चौका र ४ छक्का प्रहार गरे । पकिस्तानका मोहमद रिजवानले ४४ रन बनाउँदा फकर जमानले १४ रनको योगदान गरे । नेपालका लागि सोमपाल कामीले दुई विकेट लिदा सन्दीप लामिछाने र करण केसीले एक एक विकेट लिए ।