काठमाडौंबाट दमाम उडेको जहाज बिच बाटोबाटै फर्काइएको घटना, यस्तो छ वास्तविकता !

काठमाडौं । काठमाडौंबाट दमामका लागि उडेको नेपाल एयरलाइन्सको जहाज गएराती काठमाडौं नै फर्काइएको छ । त्रिभुवन अन्तर्राष्ट्रिय विमानस्थलबाट उडेको एक घण्टामै गएराति नेपाल एयरलाइन्सको आर ए ४१२ नम्बरको जहाज पाकिस्तानको सीमा नजिकबाट फर्काएर काठमाडौंमा अवतरण गराइएको हो ।

विमानस्थल कार्यालयले जहाजमा हुने टिकास (जहाजको आसपासमा केही समस्या आए अलर्ट अर्थात् जनाउ दिने प्रविधि) मा खराबी आएपछि गएराति ११ बजेर १० मिनेटमा विमानस्थलमा अवतरण गरिएको जानकारि दिएको छ । पाकिस्तानको सीमा नजिकै पुगेको जहाज प्रविधिमा खराबी आएको थाहा पाएपछि भारतीय आकाशबाटै फर्किएको प्रवक्ता सुवास झाले जाकारि दिनुभयो । प्राविधिक कारणले फर्काइएका जहाजका यात्रुलाई नेपाल एअरलाइन्सकै अर्को जहाजबाट गन्तव्यमा पठाइएको छ ।