एनआरएनए अध्यक्षमा डा केसी विजयी, यी हुन अष्ट्रेलियाबाट चुनाव जित्नेहरू

काठमाडौं। गैरआवासीय नेपाली संघ (एनआरएनए) को अध्यक्षमा डा बद्री केसी विजयी हुनुभएको छ । बिहीबार सम्पन्न निर्वाचिनमार्फत केसीले अध्यक्षका प्रत्यासी आरके शर्मा र महेश श्रेष्ठलाई पराजित गर्दै नेतृत्व हात पार्नुभएको हो ।

केसीले एक हजार ३७८ मत पाएर जित हातपार्दा निकटतम प्रतिस्पर्धि शर्माले एक हजार २८१ मत र अध्यक्षका अर्का प्रत्यासी महेश श्रेष्ठले एक हजार २२५ मत पाउनुभएको निर्वाचन समितिले जानकारी दिएको छ। एनआरएनएको ६ उपाध्यक्षमा डा हेम राज शर्मा २ हजार २६५, रोविन शेरचन २ हजार १८०, रामशरण सिमखडा १ हजार ५५२, खगेन्द्र न्यौपाने १ हजार ३५७, राज रेग्मी १ हजार ९०० र डा विनोद श्रेष्ठ १ हजार ५६० मत ल्याएर विजयी हुनुभएको छ । महिला उपाध्यक्षमा रोजिना प्रधानले १ हजार ९४७ ल्याएर जित हात पार्दा यसमिन वेगम सैयदलाई पराजित हुनुभएको छ । यस्तै युवा उपाध्यक्षमा रोसन थापाले २हजार ४६८ मत प्राप्त गरेर विजयी हुनुभएको छ ।

संघको महासचिवमा गौरीराज जोशीले २ हजार ३७ मत प्राप्त गरेर विजयी हुँदा। महासचिवका अर्का प्रत्यासी बुद्धि सुवेदी १ हजार ८१८ मत प्राप्त गरि पराजित हुनुभएको छ । यस्तै उपमहासचिवमा सोम सापकोटा १ हजार ७९० र प्रविन गुरुङ २ हजार १५० मतका साथ विजयी हुनुभएको छ । ६ सचिव पदमा भिम केसी कमल १ हजार ६७३, डा ज्ञानेन्द्र रेग्मी १ हजार ७८२, मनोज कुमार श्रेष्ठ २ हजार २४, डा नवराज रोस्यारा १ हजार ८५३, पारमणी पोखरेल १ हजार ६५१ र स्वतन्त्र प्रताप शाह १ हजार ६६६ मतका साथ विजयी हुनुभएको छ । यस्तै महिला सचिवमा टिक गुरुङ, राधिका २ हजार ३२०विजयी हुँदा प्रतिस्पर्धी विमला सापकोटा पराजित हुनुभएको छ । संघको कोषाध्यक्षमा सुदन थापाले १ हजार ९१७ मत प्राप्त गरेर विजयी हुँदा प्रतिद्धन्द्धी ठाकुर प्रसाद ढुंगाना १हजार ९१२ मत प्राप्त गरेर पराजित हुनुभएको छ ।

यस्तै सहकोषाध्यक्षमा कृष्ण प्रसाद तिमल्सीना २हजार १५, अभिमन्यू बस्नेत २हजार ८१ र तिलक प्रसाद गैरे २ हजार २३२ मत प्राप्त गरेर विजयी हुनुभएको छ । महिला सहकोषाध्यक्षमा अमृत थापाले २ हजार २८७ मत प्राप्त गरेर विजयी बन्नुभएको छ । अन्तराष्ट्रिय महिला संयोजकमा अनुजा प्रधानले २ हजार ३३६ मत प्राप्त गरेर विजयी हुँदा युवा संयोजकमा सुपेन्द्र घिसिङ २० हजार ३६ मत प्राप्त गरेर विजयी हुनुभएको छ ।

अष्ट्रेलियाबाट विजयी हुनेहरु यी हुन
अष्ट्रेलियालाई कर्मथलो बनाएर एनआरएनए अभियानमा सक्रिय डा विनोद श्रेष्ठ उपाध्यक्षमा विजयी हुँदा सचिवमा स्वतन्त्र प्रताप शाह र डा ज्ञानेन्द्र रेग्मीले बाजि मार्नुभएको छ । यस्तै, क्षेत्रीय संयोजक ओसियानामा दिनेश पोखरेल,क्षेत्रीय उपसंयोजक ओसियाना मा अरुण कुमार ठाकुर,गोकुल प्रसाद घिमिरे, कोमलराज पाठक निर्विरोध निर्वाचित हुनुभएको छ । क्षेत्रीय महिला संयोजक ओसियनामा रेनुका लामा र युवा संयोजक ओसियानामा सुर्य आचार्य निर्विरोध निर्वाचित हुनुभएको छ ।

काठमाडौंको होटल सोल्टीमा भएको ११ औँ विश्व सम्मेलनमा ५९ देशका ४ हजार २ सयजनाले मतदान गर्न पाउने भएपनि ३ हजार ७९१ मत खसेको थियो ।