राजश्व अनुसन्धानको एक्सन : कपडा व्यवसायी नरेश अग्रवाल पक्राउ !

काठमाडौं । राजश्व अनुसन्धान विभागले क्षेत्रपाटीबाट स्रोत नखुलेको २ करोड बढी रकमसहित ३ जनालाई पक्राउ गरेको छ । विभागका अनुसार अवैध रकमसहित पक्राउ पर्नेमा नरेश अग्रवाल र उनका सहयोगीहरु रहेका छन् ।

कपडा व्यवसायी अग्रवाल र उनको समुहको कारोबार लगायतका गतिबिधिमा राजश्वले निगरानी गरेर पक्राउ गर्न सफल भएको हो । विभागले बरामद रकम हुण्डी कारोबारको हुनसक्ने अनुमान गरेको छ । अग्रवालले कपडा व्यवसायको आडमा हुण्डी र नेपालमा प्रतिबन्धित क्रिप्टोकरेन्सीको कारोबार गर्दै आएको आशंका गरिएको छ । अनुसन्धान समेत यतैतर्फ सोझिएको छ ।

शुक्रबार पक्राउ परेकाहरुविरुद्ध हिरासतमा राख्न म्याद लिएको विभागको थप अनुसन्धान गरिरहेको छ । अग्रवाल र उनको समूहको कारोबारमाथी निगरानी गरिरहेको विभाग उनको घरमा पुगेपछि श्रोत नखुलेको करोडौँ रकमसहित पक्राउ गर्न सफल भएको थियो ।