विदेशका नेपालीलाई मताधिकार दिन कानुन संशोधन हुँदै : गृहमन्त्री अर्याल 

काठमाडौं । गृहमन्त्री ओमप्रकाश अर्यालले विदेशमा रहेका नेपालीलाई मताधिकार दिनेगरि कानुन संशोधन अघि बढाइएको बताउनुभएको छ ।

बिहीबार राष्ट्रिय सभा अन्तर्गतको संघीयता सवलीकरण तथा राष्ट्रिय सरोकार समिति बैठकमा गृहमन्त्री अर्यालले  यस्तो प्रतिवद्दता व्यक्त गर्नुभएको हो । उहाँले प्राविधिक रूपमा कसरी काम गर्ने भनेर नीति अनुसन्धान प्रतिष्ठानले काम गरिरहेको जानकारी दिनुभयो ।

यसअघि गृह मन्त्रालयले आवश्यक ऐन संशोधन गर्ने गरी अध्यादेशको मस्यौदा सुझावका लागि निर्वाचन आयोग पठाएको थियो । आयोगले छलपलपछि सरकारलाई सुझाव दिइसकेको छ ।