पुर्व प्रेमीकाको अश्लिल भिडियो सार्वजनिक गर्ने धम्कि दिएपछि अष्ट्रेलियामा एक नेपाली पक्राउ

एडिलेड

पुर्व प्रेमीकाले अर्कैसंग विहे गरेको रिसमा अन्तरंग फोटो र भिडियो सार्वजनिक गर्ने धम्की दिने एक नेपाली विद्यार्थीलाई अष्ट्रेलियाको प्रहरीले पक्राउ गरेको छ ।

पक्राउ परेका युवक नेपाली नै भएकाे स्वतन्त्र पुष्टी भने भएकाे छैन ।

साउथ अष्ट्रेलियाका नेपाली महाबाणिज्य दूत दीपक धमलाले आफुले खबर पाएपछि ती युवक बारे खाेजी गरिरहेकाे जानकारी दिए ।

‘उनी नयाँ विद्यार्थी हुनसक्छ’ -धमलाले भने-‘हामी पत्ता लगाउने प्रयासमा छाै’ ।

अष्ट्रेलियाको युनिभर्सिटि अफ साउथ अष्ट्रेलियामा अध्ययनरत २५ बर्षिय नेपाली युवकलाई पुर्व प्रेमिकासँगको अन्तरंग फोटो नेपालमा युवतिका आफन्तलाई पठाइदिने धम्की दिएको आरोपमा प्रहरीले पक्राउ गरेको हो । प्रहरीका अनुसार उनले वेलायतमा रहेकी आफ्नी पुर्व प्रेमिकाले अर्कैसँग विहे गरेको आवेगमा धम्की दिएका थिए । प्रहरीले आरोपित युवकलाई स्थानिय अदालतमा यौनदुव्र्यवहार गरेको मुद्धा लगाएको छ ।

स्थानिय समाचार संस्थाका अनुसार युवकले आफु विदेशी नागरिक भएकाले अष्ट्रेलियामा आफु विरुद्ध कुनै पनि मुद्धा लाग्न नसक्ने बताउँदै युवतिलाई धम्क्याउँदै आएका थिए । उनी हाल प्रहरीको हिरासतमा छन् ।