नेपाली बजारमा सुनको मूल्य एक सातामा ३४ हजारले घट्यो

काठमाडौं – नेपाली बजारमा सुनको मूल्य लगातार ओरालो लागिरहेको छ । चैत महिनाको पहिलो दिन १ गते छापावाला सुन प्रतितोला ३,०९,४०० मा कारोबार भएकोमा चैत ९ गते सोमबारसम्म आइपुग्दा प्रतितोला सुनको मुल्य २,७५,५०० मा झरेको छ ।

यो तथ्यांकले एक सातामै एकतोला सुनमा ३४ हजार रुपैयाँ घटेको देखाउछ । नेपाल सुनचाँदी व्यवसायी महासंघले अन्तर्राष्ट्रिय बजारमा सुनको मूल्य उतार-चढाव आउनु, विदेशी मुद्राको दबाब, स्थानीय माग–आपूर्तिका कारण समेत मूल्यमा तीव्र गिरावट आएकोजानकारी दिएको छ । सुनको मूल्यमा दैनिक गिरावट आउदा लगानीकर्ता सतर्क रहनुपर्ने समय आएको छ।