अष्ट्रेलियाका डढेलाे प्रभावितका लागि सन्दिप लामिछानेकाे टिसर्ट लिलाममा
Photo-Melbourne Star
मेलबर्न
मेलबर्न स्टार्सले अष्ट्रेलियाका आगलागि प्रभावितलाई सहयोग गर्न नेपाली बलर सन्दिप लामिछानेको क्रिकेट टिसर्ट लिलामीमा राखेको छ ।
अष्ट्रेलियामा जारी बिग व्यास लिगका क्रममा गत जनवरी २ मा मेलबर्न स्टार्सको टिमले सिड्नीमा सिड्नी थन्डर विरुद्ध खेलेको थियो । स्टार्सका अनुसार सोहि दिन मैदानमा उत्रिएका खेलाडिले लगाएको टिसर्ट च्यारिटि अक्सनमा राखिएको हो । टिसर्टमा हरेक खेलाडीले आफ्नो हस्ताक्षर गर्नेछन् । त्यस्तै टिमका सबै सदस्यले हस्ताक्षर गरेको टिसर्टपनि अक्सनमा राख्ने मेलबर्न स्टार्सले उल्लेख गरेको छ ।
यो समाचार तयार पार्दा सम्म सन्दिपको टिसर्टमा २२ जनाले खरिद गर्न इच्छा देखाएका छन् । बोलकबोलका क्रममा टिसर्टको मुल्य ७ सय १० डलर पुगेको छ भने जनवरी ११ सम्ममा सबै भन्दा बढी बोलकबोल गर्नेले उनको टिसर्ट खरिद गर्नेछन् ।
त्यस्तै, सन्दिप लामिछानेले जनवरी ८ मा सिड्नी थन्डरविरुद्ध मैदानमा उत्रिने क्रममा आफ्नो जुत्ताको एकातिर ‘भिजिट नेपाल २०२०’ लेखेर नेपालको प्रचार गरेका छन् भने ‘बुसफायर हिरोज’ अर्कोतिर लेखेर अष्ट्रेलियामा जारी आगलागि पिडित प्रति सहानुभुति प्रकट गरेका छन् ।
यस वेवसाईटमा प्रकाशित समाचार, विचार र लेखबारे तपाईको कुनै प्रतिक्रिया, गुनासो, सुझाव र सल्लाह छन् भने कृपया हामीलाई निम्न ईमेलमा पठाउनुहोला । तपाईको सहयोगले हामीलाई निष्पक्ष र तटस्थ पत्रकारिता गर्न टेवा पुग्नेछ । सम्पर्क इमेल : info@nepaltube.com.au
लाइभ न्युज
तपाईको प्रतिक्रिया