प्रधानमन्त्री केपि शर्मा ओलिमाथी अतिरन्जित सामग्री प्रशारण गर्ने भारतीय न्युज च्यानलहरुको प्रसारण नेपालमा बन्द गरिएको छ । बिहिवार विदेशी च्यानल वितरक मल्टी सिस्टम अपरेटर (एमएसओ) हरुको टोलिले सरकारी स्वामित्वको दूरदर्शनबाहेक अन्य भारतीय न्युज च्यानलहरुको प्रसारण रोक्ने निर्णय गरेको हो ।
डिसहोम,मेगा म्याक्स, डिएसएन, मेरो टिभीलगायतका अपरेटहरुले सामुहिक रुपमा भारतीय न्युज च्यानलहरुको प्रसारण बन्द गर्ने निर्णय गरेका हुन् । मेगा म्याक्स टिभीका उपाध्यक्ष ध्रुव शर्माले अतिरन्जित र अनर्गल प्रचार भारतीय टिभी च्यानलहरुले गर्दै आइरहेकोले बन्द गरिएको जानकारी दिए । केहि दिनयता प्रधानमन्त्री केपी शर्मा ओली तथा चिनिया राजदूतको नाम जोडेर आपत्तिजनक विषयवस्तु बनाएर भारतीय च्यानलहरुले प्रसारण गर्दै आएका थिए । अब ति च्यानल नेपालमा हेर्न नमिल्ने बनाइएको छ ।
सरकारले क्लिन फिड लागु गर्नुअघिनै इन्टरनेटबाट अनाधिकृत रुपमा आउने भिडियो कन्टेन्टहरु रोक्न एमएसओहरुले आग्रह गरिरहेका छन् ।
लाइभ न्युज
तपाईको प्रतिक्रिया