जुलाई ३० मा सिड्नीबाट नेपाल उड्ने विमानकाे समय तालिका फेरियाे
ब्रिजवेन,काेराेनाका कारण अष्ट्रेलियामा अड्किएका नेपाली लिएर काठमाडौ जाने विमानको समय तालिका परिवर्तन भएको छ । एनआरएन अष्ट्रेलियाका अध्यक्ष केशव कँडेलका अनुसार नयाँ तालिकामा बिहीबार साँझ ५:१५ मा विमान सिड्नीबाट उड्नेछ ।
यसअघि बिहान ६ बजे उड्ने तालिका थियो । सबेरै उडान भएकाले ३ बजे नै विमानस्थल पुग्नुपर्ने बाध्यताबाट राहत मिलेको बताउनुभयो । साँझ उडेको विमान भोलिपल्ट विहान काठमाडौं पुग्नेछ । विहान ६ बजे मात्रै काठमाडौंमा विमानस्थल खुल्ने भएकोले त्यसै अनुसार मलेसियाबाट विमान उड्नेछ ।
मलेसियाको मालिन्डो एयरमार्फत यस पटक नेपाली यात्रुहरु सिड्नीबाट काठमाडौं जान लागेका हुन् ।
विमान ईन्डोनेसिया, मलेसिया हुँदै काठमाडौं पुग्नेछ । मालिन्डो एयरले अष्ट्रेलियासँग यही रुटमा उडानको ईजाजत लिएका कारण ४० मिनेटका लागि भएपनि ईन्डोनेसियामा रोक्नुपर्ने भएको हो ।
यस वेवसाईटमा प्रकाशित समाचार, विचार र लेखबारे तपाईको कुनै प्रतिक्रिया, गुनासो, सुझाव र सल्लाह छन् भने कृपया हामीलाई निम्न ईमेलमा पठाउनुहोला । तपाईको सहयोगले हामीलाई निष्पक्ष र तटस्थ पत्रकारिता गर्न टेवा पुग्नेछ । सम्पर्क इमेल : info@nepaltube.com.au
लाइभ न्युज
तपाईको प्रतिक्रिया