एउटा मात्रै डोज लगाउदा हुने भ्याक्सिन सुरक्षित र प्रभावकारी ठहर

एजेन्सी । अमेरिकामा कोरोना भाइरसविरुद्धको तेस्रो भ्याक्सिन पनि निकै सुरक्षित र प्रभावकारी पाइएको छ । अमेरिकी नियामक संस्था एफडिएले जोनसन एण्ड जोनसन कम्पनीको भ्याक्सिन निकै सफल र सुरक्षित रहेको प्रमाणित गरेको हो ।

भ्याक्सिनमाथि लामो जाँच र परीक्षण गर्दै एफडिएले सो भ्याक्सिन प्रयोगमा खुला गरेको छ । यो भ्याक्सिन फाइजर र मोडर्न भ्याक्सिन भन्दा बढी सस्तो र प्रभावकारी हुने अपेक्षा गरिएको छ । यो भ्याक्सिन एक डोज मात्र दिन पर्ने जनाइएको छ । अन्य भ्याक्सिनहरु भने दुइवटा डोज दिनुपर्ने प्रावधान छ । यो भ्याक्सिनको अमेरिका, दक्षिण अफ्रिका र ब्राजिलमा परीक्षण भैसकेकाले अब अन्य देशमा पनि निकासी गरिने जनाइएको छ ।