होबार्टको ग्लेनोर्कीबाट नेपाली युवा बेपत्ता, खोजीमा प्रहरी

ब्रिजबेन, अष्ट्रेलिया । होबार्टको ग्लेनोर्कीबाट एक नेपाली युवा बेपत्ता भएका छन् । ७ दिनदेखि परिवारको सम्पर्कमा नआएपछि खोजि गरिदिन भन्दै परिवारका सदस्यहरुले प्रहरीमा निवेदन दिएका हुन ।

खोजीलाई तिव्र बनाएको प्रहरीका अनुसार नेपाली भाषा जान्ने तर सीमित मात्र अंग्रेजी ज्ञान भएका हेम विश्वलाई ६ दिनअघि ग्लेनोर्कीमा देखिएको र त्यसपछि कुनै खबर प्राप्त नभएको पाइएको छ । तास्मानिया प्रहरीले सूचना नै जारी गरेर यदि कतै हेमलाई देखेमा प्रहरीमा खबर गरिदिन आग्रह गरेको छ । हराएका हेम बारेमा थप विवरण खुल्न सकेको छैन । घटना बारे अनुसन्धानसहित खोजीमा स्थानीय प्रहरी जुटेको छ ।