ब्रिजवेन
घरेलु हिंसामा दोषी ठहर भएकाले गैर आवासिय नेपाली संघ अष्ट्रेलियाको कुनै पनि पदमा उमेद्वारी दिन नपाउने भएको छ । संघको विधान अनुसार पदाधिकारी तथा सदस्यहरुको उमेद्वारको योग्यता शिर्षकमा घरेलु हिंसाका दोषीले उमेद्वारी दिन नपाउने उल्लेख छ ।
तर, एनआरएनए अष्ट्रेलियाको निर्वाचन आयोगले दुइ दिन अघि घरेलु हिंसाको आरोपितले पनि उमेद्वारी दिन नपाउने सुचना जारी गरेको थियो । सबै सदस्यहरुलाई पठाइएको सो व्यवस्था विधान, मानवअधिकार र फौजदारी न्याय सिद्धान्त विपरित भएको भन्दै नेपालट्युबले सामाचार सामाग्री प्रकाशन गरेको थियो । समाचार सार्वजनिक भएपछि निर्वाचन आयोगले गल्ती स्वकारेर उमेद्वारको योग्यतामा संशोधन गरेको छ । निर्वाचन आयोगले जारी गरेको नया सुचनामा घरेलु हिंसामा दोषी ठहरिएकाले उमेद्वारी दिन नपाउने स्पष्ट लेखिएको छ । यसअघि अभियोग लागेका उमेद्वारी दिन नपाउने भन्ने उल्लेख थियो । एनआरएनए अष्ट्रेलियाका पुर्व अध्यक्ष तथा कानुन व्यवसायी टोनु घोतानले विधानमा भएको व्यवस्थालाई अन्यथा अर्थ लाग्ने गरि सुचना जारी गरिनु गलत भएको बताउनुभयो ।
उता प्रमुख निर्वाचन आयुक्त सुरेन्द्र सिग्देलले सुचनालाई संक्षिप्त बनाउने क्रममा केही शब्द छुटेकाले यस्तो हुन गएको स्पष्ट पार्नुभयो । समाचार बाहिरिएसंगै संशोधन गरि सदस्यहरुलाई पुन सुचना पठाइएको सिग्देलले जानकारी दिनुभयो ।
एनआरएनए अष्ट्रेलियाका अध्यक्ष केशव क“डेलले घरेलु हिंसा विरुद्ध संघ निकै कठोर भएकाले यस्तो व्यवस्था राखिएको बताउनुभयो ।
लाइभ न्युज
तपाईको प्रतिक्रिया