६४ हजार भोल्टेज विजुलीको तारमा हिड्ने पुरुषको ७ घण्टापछि उद्धार !

काठमाडौं । ७ घण्टादेखी नुवाकोटको विद्युत प्रशारण लाइनको लठारो समाएर हिँडिरहेका पुरुषको उद्धार गरिएको छ । नुवाकोटको बेलकोटगढी नगरपालिका–१३ घले गाउँका माइला विकलाई ७ घण्टापछि नेपाली सेनाको हेलिकोप्टरबाट उद्धार गरिएको हो ।

परिवारमा झगडा परेपछि विक पोलबाट चढेर ६४ हजार विजुलीको भोल्टेज भएको तारको लठारो समात्दै हिँडिरहेका थिए । उनको मानसिक सन्तुलन ठीक नभएको बताइएको छ । ककनी प्रहरी र स्थानीयले अनेक फकाई फुलाई गर्दा पनि झर्न नमानेका विकलाई सेनाको हेलिकोप्टरबाट उद्धार गरिएको थियो ।

माथिल्लो त्रिशुली थ्री ए र केही साना जलविद्युत आयोजनाको उत्पादन ७ घण्टासम्म बन्द गरिदा झण्डै ६० लाख घाटा लागेको आँकलन गरिएको छ । विक शनिबार बिहान ९ बजेदेखि २ सय २० केभीको प्रशारण लाइनमा चढेका थिए भने बेलुका ५ बजेतिर उद्दार गरि तारबाट तल झारिएको थियो ।