जेठ महिनामा बढ्यो नेपाल आउने रेमिट्यान्स, समग्रमा भने घट्दै !

काठमाडौं । जेठ महिनामा नेपालको विप्रेषण आप्रवाह (रेमिट्यान्स) ३ दशमलब ८ प्रतिशतले बृद्धि भएको छ। अघिल्लो वर्षको यहि अवधिमा १२दशमलब ६ प्रतिशतले बढेको रेमिट्यान्समा यस वर्ष भने संकुचन भएको पाइएको हो । नेपाल राष्ट्र बैंकका अनुसार जेठ मसान्तसम्म नेपालमा कुल ९०४ अर्ब १८ करोड रुपैयाँ रेमिट्यान्स भित्रिएको छ ।

अमेरिकी डलरमा विप्रेषण आप्रवाह १ दशमलब ५ प्रतिशतले वृद्धि भएर ७ अर्ब ५१ करोड पुगेको छ। अघिल्लो वर्ष यस्तो आप्रवाह १०दशमलब ५ प्रतिशतले बढेको थियो। समीक्षा अवधिमा वैदेशिक रोजगारीका लागि अन्तिम श्रम स्वीकृति लिने नेपालीको संख्या उल्लेख्य रुपमा वृद्धि भई ३ लाख १३ हजार ३६७ पुगेको छ। तर रोजगारीमा जानेहरुको संख्या बढिरहँदा समेत रेमिट्यान्स बढ्न सकेको छैन ।

वैदेशिक रोजगारीका लागि पुनः श्रम स्वीकृति लिने नेपालीको संख्या समीक्षा अवधिमा २०८ दशमलब ३ प्रतिशतले वृद्धि भई २ लाख ५९ हजार ९१ पुगेको छ। अघिल्लो वर्षको यो अवधिमा यो संख्या ५२ दशमलब १ प्रतिशतले घटेको थियो। समीक्षा अवधिमा खुद ट्रान्सफर ३दशमलब ६ प्रतिशतले वृद्धि भई १००६ अर्ब ७ करोड पुगेको छ। अघिल्लो वर्षको यही अवधिमा यस्तो ट्रान्सफर ११ दशमलब ५ प्रतिशतले बढेको थियो।