वैदेशिक रोजगार विभागले इजरायलका दीर्घकालीन स्याहार केन्द्रमा १ हजार ४ सय ६४ जना नेपाली सहायक कामदार (नर्सिङ असिस्टेन्ट) का लागि आवेदन खुलाएको छ।
मागमध्ये १ हजार १ सय ३२ महिला र ३ सय ३२ पुरुष छन्। छनोट हुनेले मासिक न्यूनतम ५ हजार ८ सय ८१ इजरायली शेकेल तलब पाउनेछन्।
आवेदनका लागि २५ देखि ४५ वर्ष उमेर हुनुपर्नेछ। न्यूनतम उचाइ १.५ मिटर र तौल ४५ केजी हुनुपर्नेछ।
शैक्षिक योग्यतामा १० कक्षा उत्तीर्ण गरी १५ महिनाको ANM वा CMA कोर्स पूरा गरेको, वा १०+२ उत्तीर्ण गरी कम्तीमा तीन महिनाको केयरगिभर तालिम लिएको हुनुपर्नेछ।
इच्छुकले सूचना प्रकाशित भएको मितिले २१ दिनभित्र अनलाइन आवेदन दिन सक्नेछन्। अन्तिम छनोट इजरायलको जनसङ्ख्या तथा प्रवासन प्राधिकरणले लटरी प्रणालीबाट गर्नेछ।
यस वेवसाईटमा प्रकाशित समाचार, विचार र लेखबारे तपाईको कुनै प्रतिक्रिया, गुनासो, सुझाव र सल्लाह छन् भने कृपया हामीलाई निम्न ईमेलमा पठाउनुहोला । तपाईको सहयोगले हामीलाई निष्पक्ष र तटस्थ पत्रकारिता गर्न टेवा पुग्नेछ । सम्पर्क इमेल : info@nepaltube.com.au
लाइभ न्युज
तपाईको प्रतिक्रिया