निजी तथा सामुदायिक अस्पतालाई १५ दिनभित्र अक्सिजन प्लान्ट जडान गर्न निर्देशन

काठमाडौं । अब कम्तीमा १०० बेड क्षमता भएका निजी तथा सामुदायिक अस्पतालहरुले अक्सिजन प्लान्ट जडान गर्नुपर्ने भएको छ । कोरोना संक्रमणका गम्भिर बिरामीसँगै अक्सिजन अभाव बढेर थुप्रै निजी अस्पतालले नयाँ संक्रमित भर्ना नलिने घोषणा गरेपछि सरकारे १५ दिनभित्र अक्सिजन प्लान्ट स्थापना र्गा निर्देशन दिएको हो ।

अहिले धेरै निजी अस्पतालमा अक्सिजन प्लान्ट छैन । सरकारले अस्पतालहरुको कोटा तोकेपछि कोटा अनुसारको अक्सिजनले नपुग्ने भन्दै निजी अस्पतालहरुले धमाधम नयाँ बिरामी भर्ना नलिने घोषणा गरिरहेका छन् । योक्रम देशैभर बढ्दो क्रममा देखिएको छ । बुधबार मात्रै कम्तीमा १०० बेड भएका निजी तथा सामुदायिक अस्पतालहरुले १५ भित्र अक्सिजन प्लान्ट स्थापना गर्नुपर्ने निर्णय भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिनुभयो ।