काठमाडौं । नेपाल भित्रिने रेमिट्यान्स पछिल्लो समय घट्दो क्रममा देखिएको छ । नेपाल राष्ट्र बैंकले बुधबार जारी गरेको नयाँ तथ्याङ्क अनुसार चालु आर्थिक वर्ष २०७८/७९ को पहिलो नौ महिनामा नेपालमा आउने रेमिट्यान्स ० दशमलब ६ प्रतिशतले घटेर ७ खर्ब २४ अर्ब ७४ करोडमा सिमित भएको हो ।
अघिल्लो आर्थिक वर्ष २०७७/७८ को पहिलो नौँ महिने अवधिको तुलनामा यस वर्ष नेपाल भित्रने रेमिट्यान्समा ० दशमलब ६ प्रतिशतले कमी आएको बताइएको छ । अघिल्लो वर्ष भने यो अवधिमा नेपाल भित्रने रेमिट्यान्स १६ दशमलब ५ प्रतिशतले बढेको थियो ।नेपालमा डलरको सञ्चिति कमजोर भएको समयमा अमेरिकी डलरमा नेपाल भित्रने रेमिट्यान्समा समेत २ दशमलब २ प्रतिशतले कमी आएको छ । अघिल्लो वर्ष यस्तो रेमिट्यान्स १३ दशमलब १ प्रतिशतले बढेको भएपनि पछिल्लो ९ महिनामा ६ अर्ब ५ करोडमा सिमित भएको पाइएको छ ।
सरकारले हुण्डी, डिजिटल मुद्राको कारोबार हुने क्रिप्टो लगायमाथीको नियमनलाई कडा पार्दै प्रतिबन्ध बढाइरहँदा रेमिट्यान्स घट्नुलाई अर्थतन्त्रमाथीकै चुनौँतीका रुपमा हेरिएको छ । लुकीछिपी हुने हुण्डीको बढ्दो कारोबारकै कारण बैंकिंङ प्रणाली र आइएमईमार्फत आउने रेमिट्यान्स घटेको अर्थविद्हरुको आँकलन रहेको छ ।
लाइभ न्युज
तपाईको प्रतिक्रिया